【傷透監製心】李國麟認轟TVB「膠劇」太偏激 不擔心被照肺有話直說

資深演員李國麟早前接受傳媒訪問，大談無綫現有藝員制度不公平的問題，他直指不少綠葉演員只能簽一年六騷，嚴重影響收入。現時仍然在無綫效力的他為大家抱不平發聲，令不少網民都讚他敢言。今日李國麟罕有地召集傳媒，親身回應事件，他直言有關訪問出街後回響不少，他說：「可能用我個角度去睇公司有啲唔公平，公司好似被我踩咁，如果我唔喺度，我係會踩，但我仍然喺呢間公司，我好愛呢度，但係用錯方法，搞到好多監製同製作團隊都好唔開心。」

相關新聞：《好日子》李國麟自嘲「老蚌生珠」夠開明 嘴對嘴錫女兒曾遭道德審判

{{hket:inline-image name="SKP01915.jpg"}}{{/hket:inline-image}}

(圖片：《晴報》潘卓忻攝)

{{hket:inline-image name="SKP01906.jpg"}}{{/hket:inline-image}}

(圖片：《晴報》潘卓忻攝)

{{hket:inline-image name="SKP01909.jpg"}}{{/hket:inline-image}}

(圖片：《晴報》潘卓忻攝)

李國麟表示近年不少無綫劇集被網友形容為「膠劇」，他表示自己在無綫工作30多年，每位演員都只是「交劇」，盡心盡力拍好個劇，觀眾喜歡與否是不能夠控制或者預期。他說：「我唔可以代表觀眾口味，唔係TVB啲劇唔得，只係唔能夠合乎所有觀眾口味。」

被問到是否言論太出位受到來自高層壓力而出來澄清？李國麟說：「受壓係自己造成，講完呢番說話，好多人話我夠膽死。其實事實一直存在，我只是講件事，不過係咪講晒全部嘅人呢？唔係。高層未照肺，唔知會唔會，但我相信公司會搵我了解。我做咗幾十年，鬧我做咩啫，我都係愛呢間公司，想呢間公司好。」他表示跟無綫仍有一年半合約，剛剛完成劇集《逆天奇案》的拍攝工作。

相關新聞：《香港81》重聚 83歲順嫂高貴LOOK賀蘇小姐嫁女

{{hket:inline-image name="84b8e960f85446eab246660052f35f09.jpeg"}}{{/hket:inline-image}}

(圖片：網上圖片)

{{hket:inline-image name="2f6d969a250646d395f16aae79e495bb.png"}}{{/hket:inline-image}}

(圖片：網上圖片)

現年65歲的李國麟入行已經45年時間，在電視圈絕對是大前輩。1974年李國麟尊重爸爸的意見，放棄投考警察而報讀第4期無綫電視藝員訓練班，同學有杜琪峯、黃杏秀、潘嘉德等，畢業後李國麟有不少劇集演出機會，當中包括《清宮殘夢》、《家變》、《上海灘》、《楚留香傳奇》等等。後來他因為官非離開香港一度飛到馬來西亞發展，後來獲金牌監製李添勝邀請返港接拍1995年的《神鵰俠侶》，鳩摩智的造型和角色至今仍然深入民心。多年來李國麟因外表硬朗，大多數演反派或者警察的角色，但擔正男主角的機會不多。

撰文：楊安莉